Bacaan Firman :
Psalmen 17 : 8 - 15
8 Sai ramoti ma ahu, songon anak ni mata, sai ondingi ma ahu di linggoman ni angka habongmi.
9 Moradophon parjahat, angka na naeng mangago ahu, maradophon musungku, angka na monsong mangarohai ahu.
10 Sai di hunsi nasida do tabotabona, sai hajungkaton do dihatahatahon pamanganna.
11 Sai diiraniran nasida do nuaeng langkanami, sai dimatamatahon do mangompashon hami tu tano.
12 Tudoshon babiat, na naeng manoro do ibana, jala sobokkon anak ni babiat na mangonggop di aropan.
13 Hehe ma Ho, ale Jahowa, joloani ma, ompashon ibana! Sai palua ma hosangku sian parjahat i hinorhon ni podangmu.
14 Palua ahu, ale Jahowa, marhitehite tanganmu sian angka jolma parroha portibi on, angka na manjalo jambarna di hangoluan on, gok butuhanasida dibahen Ho dohot artam, gabean do nasida di anak, jala tading di pinomparnasida do lobilobinasida i.
15 Alai anggo ahu sai idaonku do sogot bohim, marhitehite hatigoran, pamahaponku ma rohangku marnida rupam, ia dung tarsunggul ahu muse.
9 Moradophon parjahat, angka na naeng mangago ahu, maradophon musungku, angka na monsong mangarohai ahu.
10 Sai di hunsi nasida do tabotabona, sai hajungkaton do dihatahatahon pamanganna.
11 Sai diiraniran nasida do nuaeng langkanami, sai dimatamatahon do mangompashon hami tu tano.
12 Tudoshon babiat, na naeng manoro do ibana, jala sobokkon anak ni babiat na mangonggop di aropan.
13 Hehe ma Ho, ale Jahowa, joloani ma, ompashon ibana! Sai palua ma hosangku sian parjahat i hinorhon ni podangmu.
14 Palua ahu, ale Jahowa, marhitehite tanganmu sian angka jolma parroha portibi on, angka na manjalo jambarna di hangoluan on, gok butuhanasida dibahen Ho dohot artam, gabean do nasida di anak, jala tading di pinomparnasida do lobilobinasida i.
15 Alai anggo ahu sai idaonku do sogot bohim, marhitehite hatigoran, pamahaponku ma rohangku marnida rupam, ia dung tarsunggul ahu muse.
Psalmen di hata Indonesia didok Mazmur, bahasa Ibrani Tihillim, marlapatan ende puji-pujian. Bahasa Yunani didok Psaltrion, ima alat musik petik laho uning-uningan. Pandohan psaltrion on do na "domu" tu hata Psalmen, alana Psalmen diendehon marhite hadomuan ni angka umpasa, manang tudos-tudos [bersifat syair]. Dipatolhas di ende i , ima: angka hamuliateon, puji-pujian, panindangion, haporseaon, panolsolion ni dosa. Luhutna Psalmen ima tangiang dohot pujian.
Dipangido par-Psalmen di turpuk on, ima pangaramotion songon mangaradoti simalolong [mata]. Simalolong ima bagian indra ni daging na mansai arga. Jala dipangido par-Psalmen dope asa digomgomi ibana songon ina ni manukna mangalinggomi anakna marhite habongna[8].
Di tingki Pandita pasahathon berkat, didok :"Tuhan memberkati engkau dan melindungi engkau, Tuhan menyinari engkau dengan wajah-Nya dan memberi engkau kasih karunia, Tuhan menghadapkan wajah-Nya kepadamu dan memberi engkau damai sejahtera" [Bil. 6: 24-26]
Bohi ni Debata ima sada lambang berkat. Molo boi mamereng Bohi ni Debata, sada berkat "na arga jala na so hasuhatan", jala patuduhon na jonok do hita tu Debata.
Pangaramotion ni Debata tu bangsoNa, ndang holan di tingki Padan na Robi, alai sahat do rodi hatiha Padan na Imbaru. Tarida doi tingki pardalanan ni apostel Paulus ujui di Eropah. Na didongani Debata ibana marhite Tondi Porbadia.
Hamuna dongan sahaporseaon, molo na jolo diramoti Debata hita, boado ia nuaeng? tong dope diramoti?
Adong 3 panindangion laho mangalusi sungkun-sungkun on: [1]Dpangke Debata do donganta laho paingothon hita tarlumobi di tingki adong sitaonon. Dihilala roham do i? [2] Di tingki ari na salpu sipata do ro arsak ni roha. Boi do alani dakdanak, keluarga, natoras, dohot na asing. Alai ternyata tolhas do hita sahat tu ombas on kan? [3] Sipata do hita dipangke Debata laho paingothon donganta. Sudena i Debata do na sai mandongani hita !
Sumber: Pdt. Dr. Raulina br. Siagian & Pdt. oineke Natalia Harefa SSi.
No comments:
Post a Comment